ПРА МУЗЕЙ
Музей Groshi быў заснаваны ў 2018 годзе ў сталіцы Беларусі - Мінску. А перад гэтым уладальнік калекцыі збіраў манеты і банкноты цягам 7 гадоў. Ён працягвае шукаць цікавыя экспанаты, і дадаваць іх у музей. Асноўная частка экспазіцыі прысвечаная гісторыі грашовага абарачэння на геаграфічнай тэрыторыі Беларусі. Падарожжа ў гісторыю вы пачнеце ад першых манет, што пачалі трапляць сюды з Рымскай імперыі ў 2 стагоддзі нашай эры. Далей - грошы часоў Вялікага княства Літоўскага, калі сфармавалася ўласная фінансавая сістэма. У музеі можна ўбачыць першыя на тэрыторыі Беларусі папяровыя грошы, надрукаваныя ў 1794 годзе. А таксама прайсці этап стварэння і развіцця фінансавай сістэмы незалежнай Рэспублікі Беларусь. У экспазіцыі прадстаўленыя толькі арыгінальныя экспанаты. Ніводную копію ў вітрынах не паказваем! Акрамя манет і банкнот, у калекцыі ёсць прадметы, якія таксама датычацца фінансава-грашовай тэматыкі. Гэта асобныя зборы аблігацый, пазык, вэксаляў, чэкаў. Іх дапаўняюць падборкі прадуктовых і прамысловых картак, талонаў, купонаў, прыватызацыйных дакументаў. У нас можна ўбачыць калекцыі мясцовых выпускаў банкнот беларускіх гарадоў перыяду Грамадзянскай вайны, а таксама акупацыйныя грошы часоў двух сусветных войнаў. Паказваем плацёжныя сродкі з гета і лагероў для ваеннапалонных.
З 2019 года мы пашыраем і ўдасканальваем калекцыю. Наша мэта - паказаць гісторыю грошай не толькі ў межах Беларусі, але і ў сусветным маштабе. У гэтым нам дапамагаюць наведвальнікі музея. Яны перадаюць у калекцыю манеты і банкноты са сваіх родных краін. А мы вывучаем новыя экспанаты і дадаем у экспазіцыю.
У нас можна набыць памятныя манеты Беларусі, старыя банкноты розных краін свету, а таксама класічныя сувеніры.
Раздзелы экспазіцыі |
Перыяды |
манеты |
1. Антычныя манеты на тэрыторыі Беларусі2. Перыяд куфічнага дырхема3. Перыяд заходнееўрапейскага дэнарыя4. Безманетны перыяд5. Перыяд Пражскага гроша. Першыя манеты ВКЛ6. Грашовы зварот Беларусі (XV-XVII стст.)7. Грашовы зварот Беларусі (XVII-XVIII стст.)8. Грашовае абарачэнне перыяду Расійскай імперыі (XVIII ст– - 1917 г.)9. Грашовае абарачэнне на тэрыторыі Заходняй Беларусі (1921-1939 гг.)10. Грашовае абарачэнне савецкага перыяду (1917-1991 гг.)11. Грашовае абарачэнне Рэспублікі Беларусь |
|
|
|
папяровыя грошы |
1. Першыя папяровыя грошы Беларусі (XVIII стагоддзе)2. Асігнацыі Расійскай імперыі (1768-1843 гг)3. Дзяржаўныя крэдытныя білеты Расійскай імперыі (1843-1912 гг)4. Банкноты перыяду Першай сусветнай вайны (1914-1918 гг)5. Банкноты Польшчы (1917-1939 гг)6. Банкноты РСФСР (1919-1923 гг)7. Банкноты СССР (1924-1991 гг)8. Банкноты РФ (1992-1993 гг)9. Грашовае абарачэнне Рэспублікі Беларусь |
Кошт квіткоў
Для дарослых |
25 BYN |
* Для школьнікаў і студэнтаў дзённай формы навучання |
10 BYN |
* Для пенсіянераў |
10 BYN |
Сямейныя квіткі
2 дарослых + 1 школьнік 50 BYN
2 дарослых + 2 школьнікі 60 BYN
* Для шматдзетных сям'яў зніжка 50% ад поўнага кошту ўваходу
* Пры прад'яўленні адпаведнага дакумента
** Бясплатнае наведванне
Дзеткі да 6 год |
| Ветэраны Вялікай Айчыннай вайны |
Інваліды |
Дзеткі-сіроты |
Дзеткі, якія засталіся без апекі бацькоў |
