Лепшай банкнотай 2020 году, паводле Міжнароднага таварыства калекцыянераў банкнот (IBNS), стала мексіканская банкнота 100 песа. Яе фармат - вертыкальны. На адным баку - выява пісьменніцы і паэткі XVII ст. Хуаны Інес дэ ла Крус, якая пісала па-іспанску, на латыні і, нават, на мове ацтэкаў. А на адваротным - біясферны запаведнік матылька Манарх, які размешчаны ў горнай мясцовасці на высаце 3.000 метраў над узроўнем мора і ўключаны ў спіс UNESCO. Банкнота надрукавана на палімерным матэрыяле, што ўскладняе падробку, і дазваляе выкарыстоўваць яе цягам больш доўгага тэрміну. Выкарыстоўванне палімераў для стварэння банкнот - уласцівасць нашага часу. На першым этапе конкурсу адмыслоўцы са 100 банкнот, створаных цягам 2020 году, абралі 24 за іх цікавы дызайн, і намінавалі на прэмію, якую ўрэшце атрымала мексіканская банкнота.
