ПРА МУЗЭЙ

Музэй грошаў віншуе ўсіх з надыходзячым Новым годам, Раством і Каляднымі святамі! Жадаем усім дабра і сіл для дасягнення Вашых мар! Таксама мы шчыра верым, што культура, гісторыя, адукацыя, прагненне чалавека ставіць пытанні і шукаць на іх адказы, павага сябе і людзей навокал, а таксама няспынная цяга да развіцця робяць свет лепшым! Мы зычым усім быць шчырымі, у першую чаргу перад сабою, а таксама заставацца тымі, хто мы ёсць, нягледзячы на розныя перашкоды і падводныя камяні! Будзьце шчаслівыя!

Пасля Новага года ГРАФІК ПРАЦЫ музэя наступны:

01.01. - выходны
02.01. і далей - з 10.00 да 19.00

Музэй Groshi — сучасны праект у Рэспубліцы Беларусь, заснаваны ў горадзе Менск у 2018 годзе. Сама ж ідэя стварэння такога месца выношвалася даўно, а непасрэдна калекцыі музэя збіраліся шмат год і далей працягваюць па магчымасці папаўняцца новымі экспанатамі. Асноўная частка музэя прысвечана гісторыі грашовага абарачэння на геаграфічнай тэрыторыі Беларусі. У ёй паслядоўна распавядаецца пра з'яўленне першых сродкаў плацяжу больш за 1 500 гадоў таму падчас існавання Рымскай імперыі; пра станаўленне ўласнай фінансавай сістэмы ў часы Вялікага княства Літоўскага і яе ўдасканалення з цягам часу; адлюстроўваецца ўвядзенне першых папяровых грошай на тэрыторыі Беларусі, а таксама пра стварэнне і развіццё фінансавай сістэмы незалежнай Рэспублікі Беларусь. Варта адзначыць, што ў экспазіцыі музэя Groshi прадстаўлены толькі арыгінальныя прадметы, ні воднай копіі ў вітрынах не дэманструецца! Акрамя манэт і банкнот у экспазіцыі музэя прадстаўлены прадметы, якія таксама датычацца фінансава-грашовай тэматыкі. Гэта асобныя калекцыі аблігацый, пазык, вэксаляў, чэкаў. Іх дапаўняюць падборкі прадуктовых і прамысловых картак, талонаў, купонаў, прыватызацыйных дакументаў. Цікавымі з'яўляюцца калекцыі мясцовых выпускаў банкнот беларускіх тэрыторый перяду Грамадзянскай вайны, а таксама грошы часоў розных акупацый (прадстаўлены ў тым ліку і плацёжныя сродкі з розных гета, працоўных лагероў).

З 2019 года вядзецца актыўная праца па пашырэнні і ўдасканаленні калекцый экспазіцыі музэя Groshi. Галоўнай мэтай якой з'яўляецца адлюставанне гісторыі грошай не толькі ў межах адной асобна ўзятай тэрыторыі, але і на сусветным узроўні ў сувязі з іншымі краінамі і кантынентамі. Першапачаткова падмурак для гэтай працы быў закладзены непасрэдна самімі наведвальнікамі. Шмат хто з іх дарыў і працягвае гэта рабіць на памяць музэю розныя манэты і банкноты са сваіх родных краін. Усё гэта абярэжна захоўваецца, вывучаецца, сістэматызуецца і знаходзіць сваё месца ў экспазіцыях. Акрамя гэтага работнікамі праводзіцца праца па пашырэнню дадзеных калекцый і па стане на 2022 год у музэі можна пабачыць узоры больш чым са 150 краін з усіх куткоў зямнога шару!

Пры ўваходзе ў музэі працуе гандлёвая зона, дзе можна набыць розныя памятныя і юбілейныя манэты (у першую чаргу Рэспублікі Беларусь), банкноты розных краін свету, а таксама класічныя суверніры.

Графік працы музэя: з 10:00 да 19:00, кожны дзень без выходных

Кошт квіткоў

Для дарослых	15 BYN
*Для школьнікаў і студэнтаў дзённай формы навучання	8 BYN
*Для пенсіянераў	8 BYN